நீட் தேர்வுக்கு எதிரான அனைத்து மனுவும் தள்ளுபடி: திட்டமிட்டபடி தேர்வு…!

0
52

நீட் தேர்வை ஒத்திவைக்கக் கோரிய மனுவை உச்சநீதிமன்றம் தள்ளுபடி செய்து உத்தரவிட்டதால் திட்டமிட்டபடி நீட் தேர்வு நடைபெற உள்ளது.

மருத்துவ மாணவர் சேர்க்கைக்கான நீட் பொது நுழைவுத் தேர்வு நாடு முழுவதும் வரும் 13-ஆம் தேதி நடைபெறவுள்ளது. ஆனால் கொரோனா தொற்று தீவிரமாக பரவி வருவதால், மாணவர்களின் நலன் கருதி நீட் தேர்வை ஒத்திவைக்கக் கோரி அரசியல் கட்சிகள், பெற்றோர்கள் உள்ளிட்ட பல்வேறு தரப்பினரும் கோரிக்கை விடுத்து வருகின்றனர்.

இது தொடர்பாக உச்ச நீதிமன்றத்தில் பல்வேறு மனுக்கள் தாக்கல் செய்யப்பட்டன. நீட் தேர்வு மற்றும் ஜேஇஇ மெயின் தேர்வை ரத்து செய்யக்கோரிய மனுக்களை உச்சநீதிமன்றம் ஏற்கனவே தள்ளுபடி செய்தது.

இந்நிலையில் கொரோனா தொற்றின் வீரியம் குறையாததால், நீட் தேர்வை ஒத்திவைக்கக் கோரி மேலும் சிலர் உச்சநீதிமன்றத்தில் வழக்கு தொடர்ந்தனர். இந்த புதிய மனுக்கள் இன்று நீதிபதி அசோக் பூ‌‌ஷண் தலைமையிலான அமர்வு விசாரித்தது. அப்போது, நீட் தேர்வை தள்ளிவைக்க நீதிபதிகள் மறுத்துவிட்டனர்.

நீட் தேர்வு தொடர்பான அனைத்து அம்சங்கள் குறித்தும் விசாரிக்கப்பட்டுவிட்டதால் இந்த புதிய மனுக்களை தள்ளுபடி செயது உத்தரவிட்டனர். தேர்வை ஒத்திவைக்க உச்ச நீதிமன்றம் மறுத்ததால் 13ஆம் தேதி திட்டமிட்டபடி நீட் தேர்வு நடைபெறும்.

LEAVE A REPLY

Please enter your comment!
Please enter your name here